Google ADS

Grabitje e armatosur në Fushë Kosovë

19:06 | 30 Dhjetor 2018
Arbresh.info

Një grabitje e armatosur ka ndodhur pak minuta më parë në Fushë Kosovë, shkruan arbresh.info.

Grabitja është kryer në një institucion mikro financiar.

Këtë për arbresh.info e ka konfirmuar dhe Flora Ahmeti, zëdhënës e Policisë së Kosovës për rajonin e Prishtinës.
Ahmeti ka thënë se rasti ka ndodhur rreth orës 18:00.

“Rreth orës 18:00 kemi pranuar informatën për një grabitje të armatosur e cila ka ndodhur në një institucion mikro financiar në Fushë-Kosovë”, ka thënë ajo.

Zëdhënësja e Policisë ka shtuar gjithashtu se njësitet janë duke u marrë me rastin.

“Menjëherë në vendin e ngjarjes kanë dalur të gjitha njësitet e nevojshme policore, të cilët po merren me rastin”, ka përfunduar Ahmeti.

Ndryshe rastet e grabitjeve të bankave nga persona të armatosur kanë qenë të shpeshta gjatë këtij viti.

E pak ditë më parë një rast i ngjashëm përfundoj me fatalitet, duke lënë të vdekur një zyrtar të Policisë së Kosovës dhe grabitësin./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm